EUSKARA ETA KULTURARTEKOTASUNA AZPEITIAN

Atzo, irailaren 6a, Euskara eta kulturartekotasuna Azpeitian egitasmoaren aurkezpena izan genuen. Ekimen hau martxan jarri da herriko heziguneetan, Uemak eta Huhezik sustatuta eta Azpeitiko Udalaren eta Eusko Jaurlaritzaren laguntzarekin. Egitasmoaren helburua zehatza da: euskara komunikatzeko tresna gisa indartzea, eta euskaraz ez dakiten herrikideei komunikazioa errazteko erremintak eskaintzea, modu horretan, haien partehartzea sustatzeko.

Karmelo Etxegarai Ikastolako klaustrokideek ilusioz hartu dute proiektua eta dagoeneko egin dute egitasmo honen inguruko markoaren formakuntza. Datorren astean izango dute bigarrena, non bertan formatoa azalduko delarik.

Familientzako formakuntza ere izango da; Urriaren 3an, Perdillegi eraikineko mugi gelan arratsaldeko seiretan (aurrerago bidaliko zaizue deialdia) ekimen honen inguruko azalpena entzuteko aukera izango duzue.

Esperientzia bizia bezain polita izango da eta gogotsu ekingo diogu bidea elkarrekin egiteari!

 

 

 

UZTARO HAURRESKOLA

0-2 urte bitarteko seme/alabak badituzue eta Uztaro Haurreskolan matrikulatzeko asmoa baduzue, esan urte guztian zehar matrikulatzeko aukera dagoela. Zerbitzua DOAKOa da eta hilaren 1etik 10 era bitartean matrikula eginez gero, hurrengo hilabetean hasteko aukera dago.
Uztaron Km0 bertan, egunero sukaldatutako bazkaria jateko aukera dago!
 
Zabaldu informazioa lau haizetara!
 
 
 

2023 - 24 IKASTURTEARI ONGI-ETORRIA

Iraila iristearekin batera, oporren bukaera iristen ari dela nabaritzen da. Urduritasunak, kezkak, galderak areagotzen dira. Zein izango ote da gure tutorea? Zein nire gelakide berriak? Ondo moldatuko ote naiz?
Irailaren 7an hasiko dugu ikasturte berria, ostegunarekin batera irrifarreak, negarrak, korrika saioak, garrasiak ...ikusiko dira ikastolan zehar.
Zuen zain gaude, ongi etorriak denok beste ikasturte berri batera!
Ostegunerarte
 
 
 

DEKRETU BERRIA TEORIATIK PRAKTIKARA: OPOSIZIOAK KM 0

Dekretu berria: teoriatik praktikara

Hezkuntzako lege aldaketek sortzen duten noraezaren aurrean, bidea egiten lagundu digun argitalpen baten berri ematera gatozkizue.

Hezkuntzaren alorrean diharduten Andrea Antunez eta Unai Torre egileen eskutik, Lomloe eta EAEko hezkuntza dekretu berria modu erakargarri eta praktikoan ulertzeko aukera ematen duen testua da Dekretu berria, teoriatik praktikara izenekoa.

Irakasle hasiberrientzat zein ibilbide oparoa egina dutenentzat, ezinbesteko eskuliburua.

 

 

 

2022-23 TALDEKO ARGAZKIAK

2022-23 ikasturtearen amaierara iritsi gara. Haurrek, ikasleek merezitako oporrak izango dituzte deskantsatzeko, lagunartean ibiltzeko... izarrei begiratzeko... Plazer bat izan da! Hemen TALDEKO ARGAZKIAK

Ondo pasa oporrak eta Irailaren 7an berriro ikusiko dugu elkar! 2023-24 IKASTURTEKO EGUTEGI OFIZIALA. Muxu asko guztioi! 

 

 

 

 

1 234...39Hurrengoa