III. IKASTURTEKO AZKEN FESTA

Egun ederra ostiralekoa, denbora luzean gogoratzekoa! 2023-24 ikasturtea amaitzear degun honetan, eguraldi tristea izanik ere, III. Ikasturteko festa parte hartzailea izan genuen. Arratsaldeko bostetatik aurrera, kirol gunea, puzgarriak, jolas eta taller desberdinak,aurpegi margoketa.... haur-ikasle-guraso-maisu/maistrentzako bazuten non gozatu.

Ezin ahaztu ezta ere seigarren mailakoei egin zitzaien agurra: bibolin doinu, olerki, aurresku, bertso... eskerrik asko parte hartu zenuten guztioi.

Festa amaitzeko, afaria eta DJ emanaldia, frontoia bete jende. 1200 lagun inguru. Eskerrik asko Zutarri Guraso Elkarteari hau guztia aurrera ateratzen laguntzeagatik.

Urtez urte indarra hartzen doa eta irrikaz prestatuko dugu IV. festa ere. Orain, gozatu oporrez eta deskantsatu. Etapa berria hasiko duzuenoi, ilusio eta indarra izan ditzazuela!

Ostiraleko festako bideoa ikusgai duzue hemen:

 

 

 

 

 

 

 

 

 

 

ERAIKINAK BISITATZEN

Ikasturtearen amaierara iristen ari garen honetan, emozioa da nagusi gure ikasleen artean. Alde batetik, seigarren mailako ikasleentzat Ekainaren 10 eta 11 egun aproposak izan dira Urola ikastola bisitatzeko. Eraikina barrutik ezagutzeaz gain, iazko ikaskideak agurtzeko aukera izan dute.

Aurten, harrera-ekitaldi desberdina antolatu dute: ikasgelak, aretoak, erabilera anitzeko gelak… ezagutzeko, erronkaz beteriko ginkana burutu behar izan dute. Ondoren, beraien egunerokotasuna azaldu digute eta proiektu baten bideotxoa bistaratu ere. 

Bestetik, Haur Hezkuntza bost urtekoek ere Perdillegiko eraikina ezagutzeko parada izan dute. Gelaz-gela bisita egin dute eta irakasleek azalpen desberdinak eman dizkie. Jolasgaraian ere bertan egon dira datorren urtean beraien ikaskideak izango direnekin ere.

Etapa berriari ekiteko animoak Azpeitiko Ikastola Karmelo Etxegarai osatzen dugun guztion partetik!!

 

 

 

KULTURARTEKOTASUN ASTE BEREZIA

Azken bi asteak bereziak izan dira Azpetiko Ikastola Karmelo Etxegaraiko bi eraikinetan, Kurturartekotasunari keinu berezia egin diogu. 

Hemen dituzue ikusgai BIDEOA eta ARGAZKI ALBUNA.

Eskerrik asko Ikastolara bertaratu zareten guztioi!

 

 

 

KARMELO ETXEGARAI IKASTOLA, UDAL FOROAN PARTAIDE

Herriko Udal ordezkariak eta ekoetxekoak sarrera orokorra egin ondoren, ikasle desberdinek “Energia, bizitzaren motorra” lelopean, inguruko aspektu desberdinak aipatu eta proiektuaren kronologia labur bat azaldu digute.

Energia eta bere erabilpena izan da landutako gai nagusiena. Ba dira bi ikasturte ikasleek proiektu horri hasiera eman ziotela eta igerilekuaren gastuak (energia eta ura) aztergai izan zuten, baita aurrezteko erarik hoberena zeintzuk izan daitezkeen ere.

Horra hor kanpainaren leloa: “Gutxiago, asko da”

 

 

 

Euskal Eskola Publikoaren Jaia, Ordizian. Kalejira aldarrikatzailea.

Ekainaren 2an Ordizian Euskal Eskola Publikoaren jaia ospatuko da, " Publikoa I do" lelopean.  Euskal Eskola Publikoaz Harrotik bertaratzeko deia luzatu nahi dizue. Jaiaz gozatzeaz gain, Euskal Eskola Publikoari Lehentasun Osoa eman diezaiotela aldarrikatu nahi da. Horretarako, egunean bertan, bi hitzordu prestatu dira:
  • Goizeko 10:00etan Gudarien Kalean izango den "stand"-ean gure kamiseten salmentari ekingo zaio. 
  • 12:30ean, Kalejira aldarrikatzailea egingo da Garagaltza Plazatik abiatuta ( Plaza Nagusiaren ondoan) . Eratzear dagoen agintaldiko Hezkuntza Sailari " Euskal Eskola Publikoari Lehentasun Osoa!" eman diezaion eskatuko da, jai giroan.